［張如城一出，3個月內必然股災］準過丁蟹效應的說
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Er…….團年大家輕鬆啲，不如講下張如城？又復出啦！（https://fbook.cc/3LYR）
1. 我同公司後生同事講，居然有一個聽都未聽過！而家啲年青人真係忘本呀！
2. 咩呀！支持姜濤就支持香港音樂，支持張如城就唔係？唔好咁主觀好喎。品味嘅嘢邊有絶對標準呀，聽講係，有人鍾意食屎，有人鍾意睇人食屎，都係品味嚟啫，無分高低，大家都要尊重。
3. 就同你講音樂，唔好同尊貴嘅姜濤比，但天地良心：張如城點都唱得好過William Hung啦下話？至少張如城啲音係準嘅，啲拍仔係跟到嘅，一定好過William Hung唱 She Bangs（＊）。
4. 咁，喂，William Hung都係追夢already gave best have no regrets at all 就變咗大紅人仲有得拍戲啦，張如城就唔係追夢？唔好忘記William Hung好快就去咗當差，張如城追夢追足廿年，你老味我由佢十歲睇到佢三十歲！好撚似睇住李蘊大咁呀！
5. 不過本台唔係音樂台，亦唔係電影台，主要都係財經台。咁不如，講返個市丫。仆街了，好快股災。
6. 冇呃你，紅點可能唔多準（你好得閒自己整一個），但，的確係張如城推新歌嘅時間！次次之後都股災，仲要係相當大嘅調整！完全係樂壇版丁蟹效應。
7. 況且，《丁蟹效應》後來已玩到爛晒，CLSA亦出過報告講（我諗係CLSA先可以畀佢地出呢啲報告）（https://bityl.co/5Yko），後來又重播呀，演唱會又計呀，咁播完半年一年跌又計呀，跌5%又計呀，已經去到夾硬fit嘅地步
8. 但張如城真係唔同，絶對冇車厘子picking，as per我嘅研究（即係，Wikipedia），佢就只係出過四次歌，就係以上呢四次。分別係：
9. 2001年6月《真愛是真》。9月你知咩事呀可？911！
10. 2008年8月京奧，出咗佢應該最出名嘅一首歌（我都識唱！），《友誼的光彩》（aka《有耳的棺材》），之後嘅中秋節，雷曼兄弟破產，金融海嘯
11. 2011年8月佢出第二或第三出名嘅歌，《中國的巨龍》。同年11月？美國債務上限危機美股大跌。
12. 2016年呢？5月佢出《紅日之火》，6月你知咩事架可？黑天鵝，英國脫歐，恒指跌成千點！
13. 見到啦？絶冇cherry pick，佢就只係出過呢四次，鑊鑊高潮鑊鑊金，一串高潮一串金。全部大件事，唔係咩求其跌5%又計。仲要3個月內就中！
14. 今次佢好似未出新歌？唔好呀大佬，我仲未退休的！唔想咁快台海打仗！
（＊）我當然唔會只係貼返She Bangs咁求其。識聽梗係聽《燒餅》（https://ytube.io/3Efz），支持廣東歌呀！你老味我連套《我阿媽發仔瘟》都入場睇埋！梗係睇吳文忻！拿，呢啲就支持港片啦。未有《笑詠春》（2011）（https://ytube.io/3Eg0，係呀，侵權呀，去告佢啦）前，呢套《我阿媽發仔瘟》就係底線：你同我講你支持港片，我必定問你睇過呢套未。後來《笑詠春》成功突破前人（因為冇吳文忻）。再後來？就一定係舊年嘅《熟女愛漫遊》。你老味爛撚到一個點。我當然係入場睇啦！同埋埃汾太一齊添！咁就百幾蚊票房！
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1300人訂！（https://bityl.co/4Y0h）。 年費仲有85折
Search